ЦУК: Крушево со заматена вода за пиење по поројните врнежи, службите интервенираат и во другите делови од земјата

Во Крушево, поради поројните врнежи, водата за пиење е заматена и се препорачува превривање најмалку 10 минути. Нивото на Црна река кај селото Бучин е покачено, но водата се повлекла од местата каде претходно имало излевање. Екипи од ЈП „Комуна“, ТППЕ Крушево, ЕЛС Крушево и надлежните служби работат на зајакнување на насипите кај критичните точки, информираат утрово од Центарот за управување со кризи.
Во општините Кочани и Штип, кај Оризарска река во селото Грдовци е регистрирано излевање, при што Водостопанство „Брегалница“ интервенира со багер гасеничар. Механизацијата е сѐ уште на терен, а од понеделник ќе започне чистење на речното корито од Грдовци кон Оризари за да се спречат идни штети. Сообраќајот на патниот правец Кочани–Грдовци е нормализиран, додека на повеќе патни правци во источниот дел има одрони кои се расчистуваат од екипи на Македонијапат.
Во Битола, во населбата Стрчин, КЈП „Нискоградба“ интервенира со механизација за отстранување на нанос од чакал и земја. Во селото Кравари има заезерени земјоделски површини без опасност по објектите, додека во селата Жабени и Породин се поплавени земјоделски површини и ЈП Водостопанство интервенира на Жабјанска река. Елешка река исто така е излеана, но нивото на водата во реките е во опаѓање.
Во Ресен се евидентирани поплавени земјоделски површини, дворови, куќи, помошни објекти и магацини за складирање на јаболка. Нивото на Голема река е намалено од 2,20 на 1,40 метри. Ангажирани се екипи од ЕЛС Ресен, Македонијапат и ЈКП „Пролетер“, а состојбата е нормализирана.
Во Демир Хисар, локалниот пат кон селото Мренога е затворен за сообраќај поради оштетување на мост на Боишка река, а локацијата е обезбедена од надлежните служби.
Во прилепските села Лажани и Пешталево се пријавени поплавувања поради неисчистени канали, при што во Лажани е евидентирана штета кај еден жител со поплавен двор и приземни простории, како и оштетување на тутунот. Во двете села интервенираше градежна механизација за расчистување на каналите.
Во Тетово, патот кон Бање Тетово е исчистен, но сообраќајот е забранет од страна на СВР Тетово од безбедносни причини. Патиштата кон селата Жерма и Бродец се проодни, а состојбата во селото Стримница, Општина Желино, се следи континуирано од надлежните служби.
МИА
Ново на Сител
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
-

„Разговори за иднината во 12:05“: Нема амнестија за корумпираните политичари, незаконскиот имот мора да се одземе
-

Смртоносен пожар на туристичкиот остров Пукет, 11 загинати и 16 повредени | ВИДЕО
-

Експлозии во Ормуската Теснина: Два танкери налетале на мини, уште шест се запалиле
