ЦУК: Под контрола пожарот во депонијата Дрисла, активни пожари во Кочани и Тетово

На територијата на цела држава до 18:00 часот  има два активни пожари, во месноста викана Царев Врв во Кочани и на патниот правец Тетово – Попова Шапка, кај ресторан „Ули“ во Тетово. Под контрола е ставен пожарот во депонијата Дрисла, на територија на општина Студеничани, информира Центарот за управување со кризи (ЦУК).

Изгаснати се седум пожари, од кои два во Крушево, кај село Локвени и кај градската депонија (ѓубре) и еден во општина Шуто Оризари, на ул. „Хаџи Јован Шишко“ (депонија).

Изгаснат е пожарот во општина Ново Село, кај село Мокриево (сува трева и капини), во општина Велес, кај село Раштани (сува трева), во општина Куманово, кај село Колиќко (ѓубре) и во Општина Липково, кај село Лојане (стрниште).

МИА