Де ла Фуенте: Ниту Јамал, ниту некој друг играч има посебен третман во репрезентацијата

Селекторот на шпанската фудбалска репрезентација, Луис де ла Фуенте, беше принуден јавно да ги негира гласините дека играчот од средниот ред на Барселона, Ламин Јамал, ужива посебен третман кај него.

Деветнаесетгодишниот Јамал не патуваше со националниот тим за натпреварот од Лигата на нации против Чешка поради проблем со коленото. Се очекува да биде достапен против Англија в недела, 15 ноември. Според селекторот, медицинскиот персонал го прегледал играчот и открил воспаление и течност во неговото десно колено по натпреварот на Барселона против Атлетико Мадрид.

-Нашиот медицински персонал го прегледа и решив дека за да избегне компликации, најдобро би било да остане дома и да добие третман во клубот. Ламин нема посебни привилегии. Истото би го направил и со секој друг играч. Она што најмногу ме боли се лагите, недостатокот на строгост, недостатокот на вистина и измислиците. Затоа кажав повеќе отколку што веројатно требаше, но тоа е единствениот начин луѓето да ја дознаат вистината. Не можам да ги поднесам луѓето кои лажат, изјави Де ла Фуенте за шпанските медиуми.

Јамал постигна 11 гола на 37 натпревари за шпанската репрезентација.

МИА