Децата не треба да имаат свој телефон пред возраст од шест години

Многу педијатри и психолози велат оти раната употреба на паметни телефони може да предизвика долготрајна штета. Така, детето не треба да има свој телефон пред да наполни шест години, смета психологот и професорка на Факултетот за спорт и физичка активност при британскиот Универзитет Шефилд Халам, Лијана Азеведо.
Според неа, шестата година е критичен период во развојот на детето, пред којшто можеби не е соодветно да се изложува детето на какви било интерактивни медиуми.
– Факт е дека децата до шестата година ги развиваат најважните моторни вештини и интерперсонални комуникациски вештини коишто најдобро се совладуваат преку лична комуникација. Употреба на паметен телефон на рана возраст може да го поттикне детето да ја замени вообичаената игра со уредите, а врсниците со виртуелната мобилна забава, изјави Азеведо.
Покрај тоа, некои испитувања покажаа дека количината сива материја во мозокот го достигнува својот врв непосредно пред шестата година од животот. За да не се наруши и тој развој на ментални способности, не се препорачува употреба на технолошки уреди.
– Децата до две години воопшто не треба да минуваат време пред екранот, а петгодишните можат да користат телефони, таблети и компјутери најмногу по еден час дневно, советува психологот.
Така, како што наведува, децата на возраст под шест години може да бидат особено чувствителни и на влијанијата од паметните телефони врз сонот. Раното изложување на содржината на социјалните мрежи, исто така, може да влијае на психичкото здравје.
Ново на Сител
-

Бајрами со лисици во Кривичен – не чувствува вина за случајот „Лотарија“
-

Нов случај на врсничко насилство во Ѓорче Петров
-

СДСМ го обвинува Мицкоски за изолација, Владата бара предвидливост на процесот
-

ВМРО-ДПМНЕ: СДС и ДУИ ги бираа судиите и обвинителите кои сега се соработници на криминалот и корупцијата
-

Левица против скратување на боледувањата
-

Решение за превозниците е склучување билатерални договори
-

Трет состанок на министрите за животна средина од Западен Балкан за Зелената агенда
-

Стомачни вируси се уште ги “мачат” децата поради високите темперaтури
