Денеска ќе биде објавен телефонскиот број на кој ќе се пријавуваат злоупотреби на службените возила

Телефонскиот број и меил адресата на која граѓаните ќе може да пријавуваат злоупотреби на службените возила за приватни цели ќе биде објавен денеска од страна на владината прес-служба, најави директорот на Службата за општи и заеднички работи при Владата Ивица Томовски. 

Тој во изјава, дадена во општина Гази Баба, рече дека ќе се реагира до институциите чии возила биле злоупотребени по што раководителите на тие институции ќе можат да покренат постапки против лицата кои извршиле злоупотреба согласно законските и подзаконските акти.  

- Денеска од страна на владината сужба ќе биде јавно објавен телефонскиот број и меил адреса кадешто граѓаните ќе можат да пријавуваат злоупотреби на службените возила. Тие можат да пратат информација до Службата за општи и заеднички работи па после тоа ние да испраќаме до сите оние институции кои го направиле тој прекршок па раководителите на тие институции ќе може да пристапат со дициплински постапки или други постапки кои прозлегуваат од закониските и подзаконските норми на државата, рече Томовски, одговарајќи на новинарски прашања.