Денеска прскање против ларви од комарци на подрачјето на Скопје

Градот Скопје денеска ќе спроведе терестрична дезинсекција против ларви од комарци на повеќе водни површини на подрачјето на главниот град.

Како што соопшти Град Скопје, дезинсекцијата е дел од редовните мерки за контрола и намалување на популацијата на комарците.

Доколку временските услови не дозволат реализација на прскањето, активностите ќе бидат спроведени првиот нареден ден со поволни временски услови.

Од Град Скопје ги повикуваат пчеларите навремено да ги преземат потребните мерки за заштита на пчелите за време на спроведувањето на дезинсекцијата.

МИА