Дизелот повторно над 100 денари од полноќ, поскапуваат и бензините

Од ноќеска на полноќ цените на бензините ЕУРОСУПЕР БС-95 и ЕУРОСУПЕР БС-98 се зголемуваат за 3 денари, а на ЕУРОДИЗЕЛ (Д-Е V) за 6 денари за литар, одлучи Регулаторната комисија за енергетика.

Малопродажната цена на Екстра лесното масло за домаќинство (ЕЛ-1) се зголемува за 8 денари за литар, на Мазутот М-1 НС за 1,591 денари за килограм и сега ќе изнесува 46,001 денари за килограм.

Новата цена на ЕУРОСУПЕР БС - 95 ќе изнесува 97,00 денари за литар, ЕУРОСУПЕР БС - 98 ќе се продава за 99, ЕУРОДИЗЕЛ БС (Д-Е V) за 101 денар, Екстра лесното 1 (ЕЛ-1) за 105 денари за литар, а Мазут М-1 НС за 46,001 денари за килограм.

МИА