Два големи шумски пожари горат во јужна Калифорнија

Два големи шумски пожари синоќа гореа во јужна Калифорнија, предизвикувајќи наредби за евакуација на десетици илјади жители, додека силните ветрови се закануваат дополнително да го распламтат огнот, соопштија локалните власти.

Шумски пожар северозападно од Лос Анџелес, во близина на градот Сими Вали, се проширил на површина од околу 5,5 квадратни километри, според информациите од пожарникарите. Друг пожар на островот Санта Роса, во близина на брегот на Калифорнија, се проширил на околу 59 квадратни километри, соопшти државната противпожарна агенција Cal Fire.

Како што пренесе ДПА, наредби и предупредувања за евакуација биле воведени во неколку окрузи. Само во округот Вентура се засегнати околу 29.000 луѓе.

Националната метеоролошка служба за регионот ги прогнозира таканаречените ветрови Санта Ана, кои се познати по брзото ширење на шумските пожари.