Една година затвор за Стевчо Јакимовски, Апелациониот суд ја потврди казната

Апелациониот суд ја потврди првостепената пресуда со која поранешниот градоначалник на Карпош, Стевчо Јакимовски е осуден на една година затвор за бесправно градење. Во казната ќе се засмета и времето поминато во куќен притвор во 2019 година.

Во делот за злоупотреба на службена положба, судот ја уважи жалбата и предметот го врати на повторно судење, со напомена дека постои можност за застарување во 2027 година. Исто така, укината е и условната осуда за друг обвинет, а и тој дел од случајот се враќа на повторно постапување.