Експлозии одекнаа во центарот на Атина, бомби фрлени врз два бара

Рачни гранати беа фрлени денеска врз две продавници во центарот на Атина, соопшти грчката полиција, додавајќи дека нема повредени.

Првиот напад се случил во 4:25 часот наутро по локално време, кога рачна граната била фрлена врз продавница за здрава храна во Ахарнон, а во продавницата во тој момент се наоѓал и обезбедувач од сириско потекло, објави Прототема.

Вториот напад се случил во 4:55 часот наутро во областа Агиос Пантеиламонас, кога непознат сторител фрлил експлозивна направа врз бар во сопственост на Сириец.

МИА