Фјури за борбата со Усик: Ова е најдобриот противник со кој сум се борел

Британскиот боксер Тајсон Фјури го сподели своето мислење за претстојниот реванш со Александар Усик.

Мечот е закажан за декември, Фјури во досегашната професионална кариера има 36 борби од кои 34 победи една нерешена и еден пораз.

Усик е со биланс 22-0.

-Мислам дека тој е најдобриот противник со кој сум се борел. Се борев со светски шампиони, олимписки шампиони. Но, никогаш претходно не сум се борел со светски шампион во двете верзии. Тоа го става на врвот, изјави Фјури за „FTTV Boxing“.

Реваншот меѓу Фјури и Усик ќе се одржи ноќта меѓу 21 и 22 декември 2024 година во Ријад (Саудиска Арабија). Првата меѓусебна борба се одржа во мај - украинскиот боксер победи со поделена одлука на судиите.