Франција заплени 1,5 тони кокаин вреден 36 милиони евра
Француската царинска служба заплени 1,5 тони кокаин, чија пазарна вредност се проценува на 36 милиони евра, јави денеска весникот „Паризиен“, повикувајќи се на париското обвинителство.
Дрогата, спакувана во 30 пакети во вреќи, била откриена на 18 септември во камион запрен во градот Тур, во регионот Долина на Лоара. Камионот се движел кон департманот Ивелин, во регионот Ил де Франс. Зад воланот бил 53-годишен холандски државјанин, кој е уапсен и против кого е отворена истрага.
Операцијата била изведена по дојава од француското Министерство за финансии, кое претходно добило информација за пратка наркотици испратена од Шпанија за Холандија преку Франција.
Француските власти укажуваат дека во последните години е зголемено количеството на запленета дрога, особено од пратки што преку Шпанија пристигнуваат од јужноамериканските наркокартели. Често се користат транспортни компании кои наркотиците ги кријат меѓу легални стоки.
МИА
Ново на Сител
-
Почина италијанската фимска икона Клаудија Кардинале
-
Претседателката Сиљановска – Давкова на средба со Гутереш во Њујорк
-
Џими Кимел во емотивен монолог рече дека никогаш немал намера да ја омаловажи смртта на Чарли Кирк
-
ФИФА планира да го одржи Светското првенство во 2030 година со 64 репрезентации
-
Скопје меѓу десетте „најпотценети туристички дестинации“ во светот
-
ЕП: ЕУ мора да изврши институционални реформи за се подготви за прием на нови членки
-
Скрининг на населението во Трубарево и околината денеска и утре
-
Зеленски: Москва се плаши од Вашингтон,САД може да ја потурне Русија кон мирот