Гир призна дека згрешил што се сретна со Ахмети во Министерството за политички систем

Евроамбасадорот Гир смета дека потфрла партнерството меѓу Европската унија и државните власти. Во изминатите две години, унијата за осум болници донирала апарати за магнента резонанца и компјутерска томографија, но како што вели, тие речиси и да не се користат. Просечно опслужувале по околу 2.800 пациенти, а во државите на ЕУ, трипати повеќе.

„Морам да кажам дека ова функционира како дел од партнерство, затоа што ние како ЕУ кога помагаме, исто така очекуваме и од властите да испорачаат резултати исто така, а тоа го очекуваат и граѓаните. Да апелирам до сите засегнати страни да ја употребат максимално донираната опрема која е во интерес на што повеќе пациенти колку што е можно“, изјави Дејвид Гир, Евроамбасадор.

За Унијата, загрижува и слабата желба на институциите за спроведување на препораките на антикорупционерите кои предвидуваат поголема контрола на трошењето народни пари и вработувањата во администрација. Според Гир, нивната примена континиурано паѓа.

„Тоа е навистина многу разочарувачки. Ние и граѓаните очекуваме да има висока имплементација на тие многу важни препораки кои се дадени од антикорупциската комисија, како што очекуваме спроведување и на сите препораки кои произлегуваат од извештајот на Државниот завод за ревизија“, вели Гир.

Но препораките на антикорупциска да не се злоупотребуваат државни ресурси за партски цели, ги прекршил и евроамбасадорот Гир кога во декември лани се сретна со Али Ахмети во министерството за политички систем. Вели, човечки било да се греши.

....мислам, се направи така грешка, ја признавам, па тоа е тоа.....рече Гир.