Голем кибер напад во Летонија, украдени податоци од 1,2 милиони луѓе

Податоците поврзани со 1,2 милиони луѓе и 200.000 компании се украдени во голем хакерски напад, објавија денеска властите во Летонија.
Податоците како што се имиња, детали за плаќање, регистарски таблички на возила и адреси наводно биле украдени во напад извршен минатата недела. Се уште не е јасно кој стои зад инцидентот.
Премиерот Андрис Кулбергс изјави дека не може да се исклучи дека нападот е извршен од друга земја.
Кулбергс нареди истрага за инцидентот и ја критикуваше администрацијата што го информирала за кражбата на податоци дури подоцна.
-Морам да кажам дека сум непријатно изненаден од прилично детското однесување на службата за ИТ безбедност што постои во некои регулаторни тела и владини институции“, рече премиерот. Тој спомена претходен хакерски напад врз Државната управа за шумарство во јуни. Два „сериозни кибер инциденти“ што се случија во краток период беа јасен сигнал дека се потребни дополнителни безбедносни мерки – рече тој.
-Ова сега е буквално прашање за национална безбедност – рече Кулбергс.
МИА
Ново на Сител
-

Татко во кривопаланечко си го нападнал малолетнит син со остар предмет
-

25-годишник обил сеф на ЈП „Паркови и зеленило“ - Скопје и одзел девет пиштоли
-

Мицевски: Филипче губи контрола, со навредливи зборови кон премиерот манифестира силен страв и впечаток дека е притиснат од внатрешни поделби
-

Николоски од Брисел: Изградбата на автопатите и железницата се стратешки приоритет за Македонија
-

Детали од полициската акција: Запленети 130.000 евра, и десетина луксузни автомобили – дејствувалe во Шпанија, Грција и Србија
-

Мицкоски до бруцошите: Каде и да одите, вратете се дома и заедно да се бориме за нашата Македонија
-

Петмина лекари од битолската болница обвинети за несовесно лекување на пациентка која починала
-

АНБ: Откриена мрежа на клонирани портали во Македонија, ширеле дезинформации во корист на руски интереси
