Хашим Тачи осуден за попречување на правдата на 17 месеци затвор

Поранешниот косовски претседател Хашим Тачи е осуден на 17 месеци затвор во случајот за попречување на правдата и влијание врз сведоци во постапката за воени злосторства. На истата казна не се осудени сите обвинети: Башким Смакај и Фадил Фазлиу добија по 12 месеци затвор, Хередин Кучи доби условна казна од еден месец со рок на проверка од една година, додека Исни Килај е ослободен поради недостиг на докази.
Според објавеното, обвиненијата се однесуваат на попречување на службено лице, мешање во кривична постапка и непочитување на судот. Случајот е поврзан со постапката за воени злосторства во која Тачи беше осуден на 25 години затвор, а неговите соработници добија казни од 13, 18 и 25 години.
Судот ги прифатил аргументите на обвинителството дека судењето за воени злосторства се одвивало во атмосфера на постојано заплашување, поради што дел од сведоците ги менувале своите искази.
Во образложението на пресудата се наведува дека за време на посетите на Тачи во притвор, во јули, септември и октомври, биле откривани доверливи информации за судењето и идентитетот на сведоците. Според судот, Тачи им давал инструкции на посетителите што требало да им ги пренесат на сведоците, вклучително и насоки за начинот на кој треба да сведочат.
Како докази биле користени аудиоснимки од посетите, податоци од печатач во притворската единица преку кој биле печатени доверливи документи, како и материјали пронајдени при претреси на Косово.
Тачи ќе ја издржува казната по завршувањето на главното судење за воени злосторства и евентуалното потврдување на пресудата. Смакај и Фазлиу веќе се пуштени на слобода, бидејќи во притвор поминале повеќе од 12 месеци.
Пресудата е првостепена, а обвинетите имаат право на жалба.
МИА
Ново на Сител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
-

„Сите ќе умреме уште вечерва“ – Цанов објави пораки од Ива Михаилова и мајка ѝ во кои го молат да ги избрише снимките
-

Во Македонија има поголем удел на странски студенти отколку во ЕУ, секој десетти студент е странец
-

Димоглиду за иранската мрежа: Главниот товар на истрагата го имаа безбедносните служби на Северна Македонија
-

Девет медали за македонските кикбоксери на Европското првенство, Федерацијата реагира на судиски неправди
-

„Енвидија“ нема да го врати Џенсен Хуанг на функцијата извршен директор
