И покрај повисоките цени, „Октоберфест“ годинава заврши со рекорден број посетители

Овогодишниот „Октоберфест“ заврши со рекордни 7,4 милиони посетители, со што беше соборен рекордот од 2023 година од 7,2 милиони гости, соопштија властите во Минхен.
Поволните временски услови и умерените температури придонесоа за рекордната посетеност. Во саботата – претпоследниот ден од фестивалот, организаторите беа принудени да го затворат пристапот до фестивалскиот простор „Терезиенвизе“, поради огромниот прилив на луѓе. Рекордниот број посетители беше проследен и со рекордна потрошувачка на пиво. На годинешниот, 191. „Октоберфест“, се испиени 6,7 милиони литри пиво, што претставува зголемување од 2,7 отсто во споредба со минатата година.
Цената на традиционалната кригла пиво од еден литар, исто така, достигна рекордно ниво оваа година, со просек од 15 евра.
Угостителите пријавија и зголемување на продажбата на храна за 2-3 отсто. Особено порасна продажбата на традиционалната порција половина печено пиле, и покрај просечната цена од 18 евра (без прилози).
Посетителите од САД, Италија и Австрија беа на чело на листата на странски гости. Градот Минхен го проценува вкупното економско влијание на овогодишниот „Октоберфест“ на 1,59 милијарди евра.
МИА
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
