По масовниот прилив на мигранти во Сеута за 650 отсто зголемени пријавите за сексуални напади
Бројот на пријави за сексуални напади во шпанската енклава Сеута, на северниот брег на Африка, бележи драматичен пораст од 650 проценти во споредба со истиот период минатата година, покажуваат податоците од локалните служби за итни случаи.
Според извештајот што го објавија шпанските медиуми, а го пренесе и британскиот „Дејли мејл“, во периодот од 30 јули до 29 октомври годинава биле евидентирани 30 пријави за сексуални напади, наспроти само четири во истиот период во 2025 година.
Особено загрижува податокот дека во 16 од пријавените случаи жртвите биле малолетници, додека во споредливиот период минатата година не бил регистриран ниту еден таков случај во истата евиденција.
Наглиот пораст на пријавите се случува по миграциската криза што започна кон крајот на јули, кога голем број мигранти се обидуваа да ја преминат границата од Мароко кон Сеута, шпанска територија која претставува и надворешна граница на Европската Унија.
Шпанското обвинителство уште на крајот на август соопшти дека по почетокот на кризата биле регистрирани 23 пријави за сексуални напади, од кои девет се однесувале на деца.
Меѓу идентификуваните осомничени имало марокански мигранти, но и шпански и белгиски државјани. Надлежните институции не утврдиле дека сите пријавени напади се поврзани со новопристигнатите мигранти.
Податоците предизвикаа загриженост за јавната безбедност, особено за заштитата на жените и децата, додека локалните власти се соочуваат со дополнителни предизвици во справувањето со последиците од миграциската криза.
Ново на Сител
-

Лагард: Европа реагира предоцна во кризите
-

По масовниот прилив на мигранти во Сеута за 650 отсто зголемени пријавите за сексуални напади
-

Кривична за тројца полициски службеници кои малтретирале малолетник во Охрид по обид за бегство со мопед
-

Синдикатите повикаа на генерален штрајк во Италија – Планирани се 100 демонстрации
-

Николоски: Целосна реконструкција на патот Валандово-Струмица, следната година активности за патот кон Дојран
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
