Имаат само 16 и 17 години, а покажаа голема хуманост: Лука и Дони израдуваа првачиња во Бутел
Младите Лука Јоакимовски (16) и Дони Божинов (17), кои се дел од организацијата на Меморијалниот турнир „Златко Божинов – Божо“, реализираа хуманитарна акција во пресрет на новата учебна година.
Тие донираа училишни ранци и комплетен училишен прибор за првачињата од македонската паралелка во ООУ „Панајот Гиновски“ во Општина Бутел.
Во рамки на хуманитарната акција биле обезбедени и дополнителни пакети за семејство од скопската населба Чаир.
Лука и Дони веќе петта година учествуваат во организацијата на Меморијалниот турнир „Златко Божинов – Божо“, кој се одржува во спомен на Златко Божинов.
Со оваа акција младите организатори сакаат да испратат порака дека спортот и заедништвото можат да бидат поттик и за хуманост и помош на оние на кои им е потребна.
Нивната иницијатива е уште еден пример дека и младите можат активно да придонесуваат во заедницата и преку мали, но значајни дела да направат разлика.




Ново на Сител
-

Преглед на вестите од светот
-

Реакции на посетата на Фон дер Лајен
-

Бугарија ги пречека останките на Цар Самоил со државни и воени почести
-

Горивата поевтинуваат од следната недела, се преговара со ОКТА за дополнителен попуст
-

Минчев од Националната академија за јавна администрација на Италија
-

Продолжува пензионерскиот „бунт“ во Свети Николе
-

Меморијален турнир во чест на загинатите бранители
-

Мостот на Љубљанска готов до крајот на годината
