Имунитетот на Ковид-19 по заразата може да трае подолго од осум месеци
Студија објавена во списанието „Сајанс“ открива дека имунитетот на човечкото тело кон новиот коронавирус обично трае најмалку осум месеци по инфекцијата и потенцијално може да трае значително подолго, објави „Вашингтон пост“.
Студијата открива дека околу 90 проценти од пациентите кои учествувале во студијата имале долготраен и стабилен имунитет.
Новата студија во „Сајанс“ сведочи дека луѓето развиваат подолготрајна отпорност на вирусот по инфекцијата во повеќето случаи.
Анализата на примероци од крв од речиси 200 пациенти покажа дека повеќе елементи на имунолошкиот систем, не само антитела, продолжуваат ефикасно да го препознаваат вирусот и да реагираат на инфекција.
Човечкото тело се чини дека се сеќава на напаѓачот и е во состојба да реагира на секоја средба со напаѓачот во координирано дејство на антитела и Т-клетки, се наведува во анализата.
Објавата во „Сајанс“ доаѓа откако новата, позаразна варијанта на коронавирусот, првпат забележана во Велика Британија, почна да се шири низ целиот свет. Научната заедница, сепак, верува дека оваа нова варијанта нема да победи во судир со човечкиот имунолошки систем.
Авторите на студијата објавена во „Сајанс“ сметаат дека резултатите од нивното истражување можат да се применат на британската варијанта, но и на пораспространетата. Причината за оптимизмот лежи во фактот дека имунолошкиот систем го напаѓаат различни делови на вирусот, а мутациите успеале да променат само неколку делови.
Ново на Сител
-
ЦУК: Вчера евидентирани рекордни 4.199 повици на бројот 112, најмногу за пожарна и за полиција
-
Телото пронајдено во близина на пожар во кривопаланечко предадено на обдукција
-
Приведен возач од Пробиштип, возел под дејство на алкохол
-
Полицијата во период од шест часа казни 232 возачи на мотоцикли на територија на цела држава
-
Јовева: ЕП ги признава македонскиот идентитет и јазик, тие не можат да се земат ни со лобирање, ни со гласање
-
Зеленски: Русија синоќа употреби околу 400 дронови и 18 ракети во Украина
-
МВР: Акциска контрола во ноќни клубови во тетовско и гостиварско, приведени седум странски државјанки
-
СПМ: Извештајот на ЕП - индиферентност кон македонскиот идентитет, јазик, нација, култура и историја