„Инфлуенсерката“ убиена во видео во живо, била застрелана од платен убиец

Мексиканската „инфлуенсерка“ која беше убиена во пренос во живо на „Тикток“ во мексиканската сојузна држава Халиско, се чини, била застрелана од платени убијци. Таа изразила и страв во истото видео, неколку минути пред да биде убиена, објавија обвинителите синоќа.
Грозоморното убиство на 23-годишната Валерија Маркез во вторникот беше шок за оваа латиноамериканската нација. Денис Родригез, портпарол на Државното обвинителство на Халиско, даде нови подробности за убиството, нагласувајќи дека сè уште се истражува смртта на моделот.
Според гласноговорникот, во вторникот попладне, неколку часа пред пукањето, во салонот за убавина на периферијата на Гвадалахара, каде што жртвата требало да биде, пристигнал маскиран маж кој се претставил како доставувач, придружуван од друг маж на мотор. Според една жена од салонот, осомничените рекле дека имаат „многу скап подарок“ за Маркез и мораат лично да ѝ го дадат.
Кога таа пристигнала и ѝ кажале дека луѓе ја бараат, таа изразила страв во видеото во живо.
-Можеби ќе ме убијат... Дали ќе дојдат да ме одведат, или што? Загрижена сум!, вели таа пред да биде убиена.
Кога убијците се вратија, на Маркез ѝ дадоа плишано животно и кафе „Старбакс“, па ја застрелаа во главата и градите додека одеше преносот во живо. Оттогаш, „Тикток“ го отстрани нејзиниот профил.
Сè уште не е јасно кој стои зад убиството, но се знае дека таа област е под владение на еден од најмоќните картели во Мексико - „Нова генерација на Халиско“ во истата област на Гвадалахара.
И според Родригез, убиствата со мотоциклисти со пиштоли, познати како „сикариос“, се веќе вообичаена појава тука. Властите, исто така, истражуваат дали ова убиство е поврзано со она на поранешен конгресмен само неколку часа претходно - исто така извршено од двајца мажи на мотор.
И мексиканската претседателка Клаудија Шејнбаум рече дека властите работат со истражителите за да се пронајде убиецот и изрази сочувство до семејството на Маркез.
Ново на Сител
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
