Измамници ја користат видео играта GTA VI за да крадат пари и податоци од гејмерите

Високите очекувања околу објавувањето на видеоиграта GTA VI ги користат и измамниците кои се обидуваат да украдат пари, информации за платежни картички и податоци за пристап на корисниците, предупредуваат експерти за кибер безбедност.
Видеоиграта на компанијата Rockstar Games официјално ќе биде објавена в четврток, но високиот интерес на корисниците ги активираше и измамниците кои поставуваат лажни онлајн продавници, нудат наводно ексклузивни верзии на играта и ветуваат пристап пред официјалниот датум на објавување, јави BFM Business.
Во октомври, компанијата за кибербезбедност Kaspersky објави извештај според кој 200 сомнителни интернет домени поврзани со таа видео игра биле регистрирани за само 24 часа, од кои околу 10 проценти биле означени како особено ризични. Меѓу нив се и лажни верзии на онлајн продавници за конзоли PlayStation и Xbox, кои бараат од корисниците податоци за најавување и информации за платежни картички, што им овозможува да крадат пари и сметки.
Особено опасни се понудите за наводен ран пристап до видео играта GTA VI пред нејзиното официјално објавување, забележуваат експертите.
Некои страници им нудат на корисниците да преземат датотека наречена „GTA VI.exe“, која всушност содржи злонамерен софтвер за кражба на податоци.
Таквите програми можат да соберат сè што корисникот ќе го напише преку тастатурата, како и податоци складирани на компјутерот, вклучувајќи податоци за пристап до крипто паричници.
Измамниците исто така нудат бесплатни кодови за активирање за играта, но бараат од корисниците да плаќаат во криптовалути за наводни трошоци за обработка.
Се појавија и понуди за украдени копии од видео играта, како и за мобилната верзија на „GTA VI“, иако издавачот не објави објавување за уреди со оперативни системи „Android“ и „iOS“.
Проблеми се забележани дури и при купување преку официјални продажни канали. Некои купувачи на физички изданија откриле дека кодовите за активирање за „GTA“ во нивните пакети веќе се користени.
Причината, според извештаите, е што кодовите се отпечатени на капакот на кутијата, наместо на посебен лист хартија, така што можат да се копираат без да се отвори пакетот.
Истражувачката компанија Њузу претходно процени дека „GTA VI“ би можела да постигне продажба помеѓу 3,3 и 5,2 милијарди долари до крајот на првата недела по објавувањето.
МИА
Ново на Сител
-

Филипче: Во буџетот нема пари за повисоки плати, државата должи 713 милиони евра, а милијарди троши за камати
-

Во Собранието денеска продолжи комисиската расправа за Буџетот за 2027 година
-

Мицкоски од Брисел: Сакаме предвидлив пат кон Брисел
-

Гаши најавува опозициски прашања без паузи
-

Годинава најмалото предвремено родено бебе во Македонија имало 530 грама – смртноста е намалена
-

Преглед на вестите од светот
-

ВМРО-ДПМНЕ: Филипче се сокри на Бихаќка
-

Петрова: Колку што видов никој не и вршел притисок на Михаилова
