Јаневска: Ги сервисираме редовно долговите, УКИМ ќе има електрична енергија

Електрична енергија на УКИМ има. Точно е дека има долгови за електрична енергија, меѓутоа, вчера, во „Службен весник“ излезе ребалансот на буџетот, долговите редовно ги сервисираме - изјави министерката за образование и наука, Весна Јаневска.
Некои од факултетите при Универзитетот „Св. Кирил и Методиј“ (УКИМ) и зградата на Ректоратот вчера немаа електрична енергија поради неплатени сметки кон операторот што ги снабдува. По неколку часа, струјата им беше вклучена, но, како што објавија некои медиуми, им бил даден рок долгот да биде подмирен до петок.
Според Јаневска, факултетите не треба да стравуваат од повторно исклучување.
- Ние ги сервисираме редовно тие долгови и длабоко сум убедена дека ќе немаме ваков проблем, рече министерката по посетата на Институтот за историја на Филозофскиот факултет на УКИМ, по повод 80 години од неговото основање.
Во врска со поплаки од студенти дека кај сите не функционираат дигиталните билети за превоз во автобусите на ЈСП „Скопје“, а во меѓувреме градското сообраќајно претпријатие им ги укина хартиените, Јаневска одговори дека не е запозната дека има проблем.
-Но, доколку и има проблем, длабоко сум убедена дека раководството на ЈСП итно ќе го реши тој проблем на студентите, додаде Јаневска.
МИА
Ново на Сител
-

Историска средба меѓу Трамп, Си и Путин во Кина: „Мораме да учиме од историјата и заедно да ги решаваме проблемите“
-

СДСМ: 20 дена од скандалот со Алта банка, една недела од кривичната пријава – обвинителот Савески молчи
-

ВМРО-ДПМНЕ: Филипче и СДС со двојни аршини за Алта банка, гласни денес, а молчеа во 2023 година
-

Институтот за историја одбележува 80 години постоење
-

3.243 прекршоци регистрира „Безбеден град“ на подрачјето на СВР Охрид
-

Дотраената водоводна мрежа остави 10 штипски населби 3 дена без вода
-

Хаџи Василева останува предметен обвинител во случајот со судијата Ристов - најавува и поактивно обвинителство
-

Тема на денот со Искра Хаџи Василева, шефица на ОЈО ГОКК
