Јаневска за случајот со Василевски: МОН нема ингеренции за вработување специјалисти на Медицински факултет

Министерството за образование и наука (МОН) нема ингеренции за вработување специјалисти на Медицински факултет, но Државниот просветен инспекторат (ДПИ) ќе постапува и ако се работи за избор во звање, рече денеска ресорната министерка Весна Јаневска.
Таа, како што изјави, е запознаена со случајот на лекарот Дарко Василевски кој јавно обвини дека има наводни нерегуларности и фаворизирање при изборот на кандидати на јавниот оглас за вработување на Медицинскиот факултет во Скопје.
-Да, веќе сум запознаена. Така како што сум запознаена, ако се точни информациите што сум ги добила, станува збор за вработување, а не за избор во звање. Јас јавно побарав да се достави претставка до ДПИ, но и доколку станува збор за избор во звање, ДПИ ќе постапува. Во однос на вработување на Медициснкиот факултет на специјалисти, МОН нема ингеренции, потенцира Јаневска, одговорајќи на новинарско прашање пред обраќањето на настанот во ДСУРЦ „Партенија Зографски“ по повод 23 Септември – Меѓународниот ден на знаковниот јазик.
Според МОН, Државниот просветен инспекторат може да постапи доколку има избор во наставно-научно звање на факултет.
-Во случајов се работи за вработување доктор на Институт и немаме ингеренции за постапување. Тука треба да постапи Државен инспекторат за труд, велат од МОН.
Докторот и приватен специјализант Дарко Василевски деновиве јавно реагираше за начинот и селекцијата при вработувањата на Медицинскиот факултет. Во знак на револт, најави и штрајк со глад.
Ново на Сител
-

Извештај на ФЗО: Вработени во општи болници имаат високи примања, а лекуваат малку пациенти
-

Мерц со иновативни предлози за проширувањето
-

Филипче: Иницијативата на Мерц е уште еден доказ дека постои желба за проширување на ЕУ
-

Мицкоски: Наскоро успесите на владата ќе ги гледаат само на телевизија
-

Филипче со нов повик до Мицкоски: Уставните измени да ги направиме заедно и да споделиме одговорност
-

Утре прва официјална средба Муцунски-Чамова
-

Европските пари ги судрија математиките на власта и опозицијата
-

Случајот „Мазут“ на повторно разгледување по жалбата на ЕСМ
