Кажала: „Да“, после 43 запросувања во седум години

Британецот Лук Винтрип ѝ предложил брак на својата девојка (сега веќе сопруга) Сара Винтрип, 43 пати за седум години, пред таа конечно да рече: „Да“. Приказната за оваа „необична љубов“ го обиколи светот.
Тој, инаку, првпат ѝ предложил брак на Јамајка по шест месеци врска. И двајцата претходно биле во сериозни врски, па таа, како што вели во интервјуто за „Кенеди њуз“ не сакала премногу брзо да се впушти во новите, не многу познати води…
– Не го очекував тоа. Го сакав, но не сакав да кажам „да“ на нешто за коешто можеби подоцна би зажалила. Лук рекол: „Добро, добро, но ќе те прашувам постојано“, раскажува Сара.
И, секојпат кога таа ќе кажела „не“, тој станувал покреативен. Тој ѝ предложувал брак во напуштени замоци, ангажирал музичари, организирал вечери со свеќи итн. Тој дури и претворил еден празен замок во Прага во „место од бајките“… Но, и тогаш си останал „со празни раце“.
– Знаев дека е рано, но едноставно – знаев дека таа е вистинската. Моите пријатели велеа: „Се обидуваш да ја измориш“, но не беше така. Сакав да ѝ докажам колку го сакам ова и се надевав дека еден ден нашите ќерки ќе го погледнат тоа и ќе речат: „Па, ако Лук толку многу ја сака мојата мама, треба да најдам некој што толку многу ќе ме сака и мене“, објасни Лук.
Сара конечно му кажала: „Да“ во 2023 година. Тој миг се случил во Општината Гринич во Лондон, каде што светот се договорил да минува првиот меридијан…
– Уметничка музичарка ги изведе сите нејзини омилени песни, додаде Лук.
– Кога тогаш ми предложи, тој рече: „Ова е центарот на светот, а ти си центарот на мојот свет, и сакам да се омажиш за мене“. Конечно го освои моето срце!, истакна Сара. – Благодарна сум што издржа толку долго, нагласи на крајот.
Таа не жали што толку долго го одбивала својот избраник, пред да се омажи за него. Нејзината порака до жените е да ѝ веруваат во својата интуиција и додава дека овој случај треба да влезе во Гинисовата книга на рекорди.
МИА
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
