Крозето: Европската одбрана треба да се прошири надвор од границите на ЕУ

Европската одбрана не треба да биде ограничена само на границите на ЕУ, туку треба да добие вистинска континентална димензија преку партнерства со земји кои ги вклучуваат Турција, Обединетото Кралство и Украина, изјави италијанскиот министер за одбрана Гвидо Крозето.

Во коментари за италијанскиот дневен весник „Ла Стампа“ објавени денеска, Крозето се осврна на сигналите дека САД би можеле да го намалат својот ангажман во Европа, велејќи се дека континентот може само „да се надева“ дека поместувањето на стратешкиот фокус на Вашингтон кон Индо-пацифичкиот Регион ќе се случи „постепено“, а не наеднаш.

Одговорот, гледано нанапред, мора да биде зајакнување на одбраната која „нема да биде ограничена само на границите на ЕУ“, рече тој. Партнерствата треба да се прошират „со Обединетото Кралство, Норвешка, Швајцарија, Молдавија, Западен Балкан, Турција и Украина“.

Нарекувајќи го НАТО „премногу изложен на непостојаното расположение на Трамп“, тој рече дека потреба на времето е нов европски сојуз кој ќе го надополни НАТО во неговата најтрадиционална форма.

Крозето ги повика владите да планираат на рок подолг од 10 или 15 години, истовремено повикувајќи на воспоставување центар на национално и на европско ниво за справување со хибридното војување.

МИА