Лафчиски на состанок на началниците на генералштабовите на земјите членки на Иницијативата за соработка во одбраната

Началникот на Генералштабот на Армијата, генерал-мајор Сашко Лафчиски, во Тирана ќе учествува на редовниот годишен состанок на началниците на генералштабовите на земјите членки на Иницијативата за соработка во одбраната (DECI), посветен на регионалната безбедност и одбранбената соработка.
Како што соопшти Генералштабот на Армијата, на состанокот ќе учествуваат и високи воени претставници на НАТО и Европската Унија, меѓу кои заменик-командантот на Здружената команда на НАТО во Неапол, командантот на мултинационалните копнени сили, како и командантите на мисиите КФОР и ЕУФОР.
Во фокусот на разговорите ќе бидат актуелните безбедносни предизвици во регионот, соработката во рамки на иницијативата DECI и НАТО, како и можностите за натамошно продлабочување на одбранбената соработка и реализација на заеднички обуки и активности.
Предвидено е генералот Лафчиски да се обрати на работните сесии, при што ќе ја потврди посветеноста на државата кон колективната безбедност и придонесот на Армијата во регионалните и меѓународните безбедносни иницијативи.
На крајот од конференцијата, началниците на генералштабовите ќе усвојат заедничка изјава за соработка и ќе ја утврдат динамиката на идните заеднички проекти во рамки на иницијативата.
МИА
Ново на Сител
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
