Ленард со 39 поени ги предводеше Клиперс до победата над Денвер

Лос Анџелес клиперс рано утрово славеше победа со 105:102 над Денвер нагетс на гостински терен во вториот натпревар од осминафиналето на НБА плејофот.

Најдобар стрелец на натпреварот беше Каваи Ленард, кој постигна 39 поени.

Центарот на Нагетс, Никола Јокиќ имаше трипл-дабл со 26 поени, 12 скока и 10 асистенции.

Клиперси израмнија на 1:1 во серијата прв до четири победи.

Следниот натпревар ќе се одржи во Лос Анџелес на 25 април.

Претходно во текот на ноќта, Детроит пистонс исто така на гостински терен го победи Њујорк никс со 100:94 (1:1 во серијата).