Лидерите на ЕУ во Брисел ќе разговараат за безбедноста, Украина и проширувањето

Економската сигурност, повеќегодишниот финансиски план на Европската Унија, одбраната, актуелната состојба на Блискиот Исток и процесот на приклучување на нови земји кон Унијата спаѓаат меѓу најважните теми на дискусија во рамките на Европскиот совет, кој денес и утре ќе одржи состанок во Брисел.
Особено внимание на средбите ќе биде посветено на безбедноста на источните граници на ЕУ, како реакција на сѐ почестите инциденти со упади на руски беспилотни летала во европскиот воздушен простор и неодамнешните штети предизвикани на територијата на Романија.
Претседателот на Советот на Европа, Антонио Кошта, во своето писмо до учесниците на состанокот, нагласи дека овие настани го истакнуваат итното барање за напредок во заедничката политика за одбранбена подготвеност, вклучувајќи го и засилувањето на источните фронтови на Унијата.
Европските лидери ќе имаат можност да го сослушаат обраќањето на украинскиот претседател, Володимир Зеленски, откако оваа недела Украина и Молдавија ги стартуваа преговорите по првото преговарачко поглавје во процесот на нивното пристапување кон ЕУ.
Кошта оцени дека, покрај постигнатиот напредок од земјите од Западен Балкан, постои нова динамика во политиката на проширување на Унијата.
На дневен ред се, исто така, и прашањата поврзани со зголемувањето на цените на енергенсите, миграцијата, како и зајакнувањето на економската конкурентност на Европската Унија.
Се очекува лидерите на земјите-членки да усвојат конечни одлуки со кои ќе ги утврдат идните приоритети на Унијата во сферата на безбедноста, економијата и процесот на проширување.
МИА
Ново на Сител
-

Осумдневен притвор за двајцата вработени на штипскиот Универзитет „Гоце Делчев“, кои ќе се гонат за компјутерска измама и злоупотреба на службена положба
-

Калас: Гласачите во САД јасно ја изразија својата волја, очекувам поголем притисок врз Русија
-

Децата во Германија, Австрија и Унгарија за Ноќта на вештерките добиле колачиња со игли и шајки
-

Познат идентитетот на починатите во Богданци: Билјана (17) и Виктор (21) – обвинителството се сомнева на убиство и самоубиство
-

Вајц: Кос треба да вложи дипломатски напори за решавање на спорот меѓу Македонија и Бугарија
-

Сиљановска-Давкова: Западен Балкан е неразделен дел од евроатлантската безбедност, потребна е поголема отпорност на хибридни закани
-

Мицкоски од Дизелдорф: Македонија веќе 15 години не е членка на ЕУ поради вештачки прашања
-

Шестгодишно дете тешко повредено откако во него удрил камион во Скопје
