Македонец фатен во Србија со 3 грама марихуана, мора да плати 100.000 динари за хуманитарни цели место кривична пријава

Државјанин на Македонија (22) е уапсен за неовластено поседување наркотици, кои полицијата ги заплени при претрес на граничниот премин Прешево.

На граничниот премин Прешево, меѓу Македонија и Србија, при редовна контрола на патник, српската полиција открила 3,17 грама марихуана.

По приведување и распит во Основното јавно обвинителство во Врање, наместо кривично дело „неовластено поседување наркотици“, младиот човек мора да плати 100.000 динари за хуманитарни цели, во замена за кривична пријава, судење и казна.