Македонец шверцувал 850 грама златна плочка во кондура на Богородица | ФОТО

Царинските службеници на граничниот премин Богородица спречија обид за криумчарење злато вредно околу 4,5 милиони денари, при контрола на автобус кој сообраќал на релација Гостивар–Истанбул.
При излез од државата, автобусот бил издвоен за детална контрола поради основани сомневања. При претрес на патник, македонски државјанин, во неговиот чевел била пронајдена златна плочка тешка 848 грама, обвиткана во бела хартија.

Според Царинската управа, плочката била претходно чувана во сакото на патникот, но непосредно пред контролата била сокриена во обувката со цел да се избегне откривање.
Против лицето е поднесена кривична пријава за сторено кривично дело „криумчарење“ до надлежното Основно јавно обвинителство во Гевгелија.

Од Царинската управа информираат дека продолжуваат со засилени активности за спречување на нелегална трговија и криумчарење, со цел заштита на државните економски интереси.
Ново на Сител
-

Некогаш една од најопасните земји во светот, денес Ел Салвадор побезбедна дестинација за патување од Шведска
-

Туск: Нема да прифатиме договор за безбедност што САД и Русија ќе го преговараат без ЕУ
-

Во меѓународна акција на Европол уапсени 354 лица поврзани со продажба на нелегална стока на „дарк веб“
-

Македонските фудбалери гостуваат на Шкотска во дуел од Лигата на нациите
-

За само пет часа казнети 147 пешаци кои преминувале улица надвор од пешачки премин
-

Победи за Англија, Шпанија и Италија во Лигата на нациите
-

Глобален прекин на услугите на „Мајкрософт“, проблеми за корисниците на „Аутлук“ и „Тимс“
-

САД управувале со повеќе од 12 милијарди долари од венецуелска нафта
