Македонски Брод: Ја нападнал сопругата и барал да ја повлече пријавата за семејно насилство

Надворешната канцеларија за криминалистички работи Македонски Брод поднесе кривична пријава против 56-годишен жител на село во Македонски Брод, поради сомнение за сторено кривично дело „загрозување на сигурноста“.

Според информациите од полицијата, на 6 ноември 2026 година, во семејниот дом, пријавениот физички ја нападнал својата сопруга, барајќи од неа да ја повлече претходно поднесената кривична пријава за семејно насилство.

За претходниот случај, како што информираат надлежните, било закажано судско рочиште.

По документирањето на случајот, против 56-годишниот маж е поднесена соодветна кривична пријава.