Македонскиот борач Топузовски освои бронзен медал на меѓународно натпреварување во Италија

Македонскиот борач Марко Топузовски освои бронзен медал на Светските игри во кинеско борење „World Shuai Jiao Games 2026“, кои се одржуваат во Монтесилвано, Италија.

Топузовски настапи во сениорска конкуренција, во категоријата до 100 килограми, каде што се соочи со силна меѓународна конкуренција.

Овој успех е продолжение на неговите одлични резултати на меѓународната сцена.

Во 2023 година, Марко освои златен медал на Европското првенство во кинеско борење за сениори, исто така одржано во Италија.

Со освоениот бронзен медал, Топузовски уште еднаш го претстави македонскиот спорт на светската сцена и потврди дека македонските борачи имаат свое место меѓу најдобрите.

МИА