Македонските ракометари и гостуваат на Литванија

Македонската машка ракометна репрезентација, предводена од селекторот Кирил Лазаров денеска на гостински терен во Вилнус ќе го игра вториот натпревар во квалификациите за Европското првенство (ЕП) 2026 во Данска, Шведска и во Норвешка.

Противник ќе ѝбиде незгодната селекција на Литванија. По почетната победа во Скопје над Естонија со 37-33, црвено-жолтите ќе бидат пред многу посериозен предизвик, ако се знае податокот дека Македонија со Литванија досега играла трипати и забележала едно реми и два пораза.

Македонија, досега има осум настапи на ЕП (37 меча, 21 бод, осум победи, пет ремија и 24 порази), а најдобриот пласман е петтото место во Србија во 2012 година.

По бројот на настапи е на 17-то место од 29 селекции што досега учествувале, додека исто така осум пати била дел од СП.

Во групата еден каде е нашиот национален ракометен тим, во вториот меч денес ќе играат Естонија и Словенија . Во првото коло да подсетиме Словенија ја совлада Литванија со 36-25.