Македонското дерби Еурофарм Пелистер - Вардар 1961 меѓу Топ 5 во Европа

Европската ракометна федерација (ЕХФ) ги рангираше пресметките меѓу македонските ракометни ривали Еурофарм Пелистер и Вардар 1961 во Топ 5 дербија во Европа.

Според Медија тимот на ЕХФ, македонското ракометно дерби е петто најголемо на Стариот континет.

Првото место на ранг-листата е резервирано за пресметките меѓу Барселона и Кил, по што следува полското дерби меѓу Киелце и Висла Плок.

На третото место е унгарското дерби меѓу Веспрем и Пик Сегед, а на четвртата позиција е дербито во Франција меѓу ПСЖ и Монпеље.