Малезија ќе пресели десет илјади бегалци Рохинџи во Турција

Малезија соопшти дека ќе пресели десет илјади бегалци од малцинството Рохинџи во Турција, во рамки на програма за обука и стекнување стручни вештини.
Планот што го објави малезискиот вицепремиер Ахмад Захид Хамиди, е објавен ден откако Меѓународниот суд на правдата утврди дека убиствата и широко распространетото сексуално насилство врз Рохинџите, извршени од безбедносните сили на Мјанмар во 2017 година, претставувале геноцид поддржан од државата.
Хамиди изјави дека иницијативата е дел од напорите на Владата за поефикасно и похумано справување со бегалската криза. Тој ја поздрави подготвеноста на Турција да прими десет илјади бегалци, оценувајќи дека тоа е важен чекор кон долгорочно решение.
Планот ќе се спроведува во соработка со турските власти, Високиот комесаријат на ОН за бегалци и други надлежни институции, а ќе ги земе предвид потребите на индустријата, согласноста на бегалците и меѓународните правила.
Турското Министерство за надворешни работи засега не ја коментирало најавата.
Според податоците на Високиот комесаријат на ОН за бегалци, во Малезија до крајот на февруари биле регистрирани речиси 193 илјади бегалци од Мјанмар, од кои две третини се Рохинџи. Малезија се соочува со притисок да ги врати бегалците во Мјанмар, во услови на зголемени тензии со локалното население. Од јануари земјата вратила повеќе од десет илјади свои државјани во Мјанмар.
МИА
Ново на Сител
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
