Манчестер јунајтед го отпушти Аморим

Рубен Аморим повеќе не е тренер на Манчестер јунајтед, откако раководството на премиерлигашот денес му додели отказ на Португалецот.

Привремено, тренерската функција ќе ја врши Дарен Флечер, кој го водеше тимот до 18 години.

Аморим беше во Манчестер Јунајтед од ноември 2024 година. Под водство на 40-годишниот Португалец, „Црвените ѓаволи“ стигнаа до финалето на Лигата на Европа во сезоната 2024/25, каде што загубија со 1:0 од Тотенхем во финалето.

Под водство на Аморим, Манчестер Јунајтед одигра 63 натпревари, победи на 25, одигра 15 нерешено и загуби на 23.

Во сезоната 2025/26, Манчестер јунајтед има 31 бод од 20 кола во Премиер лигата и е шести на табелата.

МИА