Манчестер јунајтед го победи Брентфорд и обезбеди пласман во ЛШ следната сезона

Манчестер јунајтед синоќа го победи Брентфорд со 2:1 на домашен терен во 34. коло од англиската Премиер лига.

Хари Мегваер го отвори резултатот во 11. минута по асистенција од Касемиро. Бенџамин Шешко го зголеми водството на „Црвените ѓаволи“ во 43. минута, на асистенција на Бруно Фернандеш. Матијас Јенсен го постави конечниот резултат во 88. минута.

Манчестер јунајтед има 61 бод и е трет на табелата во Премиер лигата и обезбеди учество во Лигата на шампионите следната сезона.

Брентфорд, со 48 бода, е деветти. Тимот ја продолжи својата серија без победа во лигата на шест натпревари.

На 3 мај Манчестер јунајтед ќе биде домаќин на Ливерпул, додека Брентфорд ќе игра дома со Вест Хем еден ден претходно. 

МИА