Маж од битолско изнудил 153.000 денари од лице ветувајќи му дека ќе ја вработи жена му во државна агенција

СВР Битола поднесе кривична пријава против Д.А.(38) од село Велушина, битолско, поради постоење основи на сомнение за сторено кривично дело „измама“.

Во периодот од декември 2021 до мај 2022 година, пријавениот во неколку наврати земал парични средства од лице од Битола, ветувајќи му работно место за неговата сопруга во државна агенција, со што го оштетил Б.Б. за сума од 153.000 денари.