Мерц го повика Путин да ја прекине „бесмислената војна“ против Украина

Германскиот канцелар Фридрих Мерц го повика рускиот претседател Владимир Путин да ги прекине нападите врз Украина и да покаже подготвеност за разговори, велејќи за време на посетата на Киев дека нападите врз цивилите мора да прекинат, објави ДПА.
„Господине Путин, запрете ја оваа бесмислена војна! Подготвени сме за преговори, подготвени сме да разговараме за нејзино прекинување. Но, овие варварски напади врз цивилното население на Украина мора да престанат“, рече тој.
Мерц и украинскиот претседател Володимир Зеленски ја посетија Националната академија на науките во Киев, која беше погодена во напад со дрон во понеделникот. За време на неговата посета, руските напади неколку пати ги активираа сирените за воздушен напад, а порано наутро беше погоден и мост на север од главниот град.
Зборувајќи меѓу урнатините на академијата, Мерц рече дека напади како овој јасно ја покажуваат бесмисленоста на конфликтот.
„Напад врз Академијата на науките во Киев, во центарот на градот, на само неколку стотини метри од Германската амбасада. И утрово, во мирна недела, воздушен напад во Киев. Ова се секојдневни воени злосторства што се извршуваат тука“, рече канцеларот.
Потсети дека украинската инфраструктура е секојдневно погодена додека земјата се подготвува за зима.
„Уште еднаш апелирам до руското раководство, до рускиот претседател: Запрете ја оваа војна! Можеме да разговараме, но само кога оружјето ќе замолчи – и мора да замолчи“, додаде Мерц.
Во нападот со дрон врз академијата се уништени два ката од историската зграда, една жена загина, а околу шест лица се повредени.
МИА
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
