Меси прв фудбалер во историјата на фудбалот со 1.300 голови+асистенции

Фудбалерот на Интер Мајами, Лионел Меси, постави историски рекорд.

Триесет и осумгодишниот Аргентинец стигна до 1.300 поени (896 гола и 404 асистенции), станувајќи првиот играч во историјата на фудбалот со вакво достигнување.

Меси синоќа на гостувањето кај Синсинати во четвртфиналниот плејоф натпревар од МЛС (4:0) постигна еден гол и три асистенции.

Меси имаше 941 поени за Барселона, 117 за Интер Мајами, 66 за ПСЖ и 176 за репрезентацијата на Аргентина. Му беа потребни 1.135 натпревари за да ја достигне оваа бројка.

Меси е олимписки шампион, освојувач на Светското првенство, четирикратен победник на Лигата на шампионите и осумкратен освојувач на Златната топка.

МИА