Мицкоски: Даваме сè од себе да реализираме проект повеќе и да создадеме подобри услови за живот на граѓаните

Премиерот Христијан Мицкоски денеска престојуваше во Делчево, каде изврши увид во градежните активности во ЈЗУ Здравен дом „Гоце Делчев“, како и во почетокот на реконструкцијата на градската спортска сала, која се наоѓа во рамките на Спортско-рекреативниот центар.
За време на посетата, премиерот разговараше со локалното раководство за актуелните и идните проекти, при што беше направен и преглед на досега реализираните активности.

Тој ја истакна посветеноста и ангажманот на градоначалникот на Делчево, нагласувајќи дека резултатите од работата на локалната самоуправа се видливи, а заложбите за реализација на нови проекти и подобрување на условите за живот заслужуваат поддршка и признание.
Притоа, упати благодарност и до општинските советници, администрацијата и сите останати кои учествуваат во реализацијата на проектите.

Премиерот посочи дека Владата, во рамките на своите можности, продолжува да работи на реализација на нови инвестиции, решавање на проблемите на граѓаните и создавање подобри услови за живот.
„Свесни сме дека пред нас има уште многу работа, но остануваме посветени на остварување конкретни резултати. Нашата цел е Македонија да биде подобро, поубаво и попристојно место за живеење“, порача премиерот.
Тој нагласи дека владината поддршка не е насочена само кон Делчево, туку и кон целиот Пијанечко-Малешевски регион и општините кои гравитираат кон него, најавувајќи продолжување на соработката и поддршката за реализација на нови проекти.
Ново на Сител
-

Пиштол пронајден кај 15-годишен ученик во средно училиште во Тетово
-

Мицкоски: Новиот Законот за јавни набавки става крај на манипулациите и свесното уривање и одолговлекување на тендерските процедури
-

Мицкоски: Од длабок минус дојдовме до точка нула - од сега очекувам само раст и поинтензивен развој
-

Зеленски: САД презентирале опција за повлекување на Украина од Донбас во замена за членство во НАТО
-

Николоски: Се повеќе патници на аеродромите во Скопје и Охрид, ги срушивме сите рекорди како резултат на паметните политики
-

Неуспешен тест на „СпејсЕкс“ со ракетата „Старшип“, првиот сегмент на ракетата заврши во морето
-

АХВ: Почна дистрибуцијата на вакцините за болеста сипаници кај овци и кози до ветеринарните друштва
-

Николоски: Делницата Извор-Врбјани наскоро во функција, автопатот Кичево-Охрид до мај целосно завршен
