Мицкоски: Имаме над 27 проценти повеќе откупени земјоделски производи споредено со истиот период лани
Премиерот Христијан Мицкоски е задоволен од откупот на земјоделски производи, кој како што истакна постојано се зголемува, бидејќи колку повеќе се произведува помалку ќе се увезува. Порастот на откупот, според него, исто така, е и показател на тоа дека за оваа Влада земјоделците се приоритет.
-Многу сум задоволен од откупот на земјоделски производи. Зошто? Затоа што во вториот квартал имаме околу 60-тина милиони евра повеќе споредено со она што беше во минатото. Имаме над 26 - 27 проценти повеќе откупени земјоделски производи споредено со истиот период минатата година, кои што како количина се за седум отсто повеќе споредено со истиот период минатата година, рече Мицкоски во одговор на новинарско прашање дали е задоволен од извештајот на Државниот завод за статистика за откуп на земјоделски производи по увидот во градежни активности на државниот пат А2, обиколница „Крива Паланка“.
Земјоделците, додаде тој, се еден од приоритетите на оваа Влада.
-Тоа го покажавме изминатите 14 месеци, веќе е 15-тиот месец како што сме избрани како Влада и во таа насочка очекувам да продолжиме и во иднина, затоа што производството на храна ни е исклучително важно, бидејќи колку повеќе произведуваме, толку помалку увезуваме, рече премиерот.
Македонија, нагласи тој, во минатото беше позната како земја производител и извозник на храна, особено на земјоделски производи, така и ќе продолжиме во иднина, главен фокус во нашиот периметар да бидат земјодејците.
МИА
Ново на Сител
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина
-
Донација на специјално возило работно АТВ за Општина Илинден