Мицкоски: Остануваме посветени на спроведување на реформите

Премиерот Христијан Мицкоски информира дека денеска одржале работен состанок посветен на Реформската агенда и процесот на европска интеграција, на кој преку онлајн обраќање учествувал директорот на Генералниот директорат на Европската комисија за проширување и источно соседство, Герт Јан Копман.

На состанокот, како што посочува премиерот во објавата, разговарале за досегашниот напредок, следните чекори и координацијата меѓу институциите, со цел реформските процеси да продолжат ефикасно, навремено и во согласност со утврдените приоритети.

-Остануваме посветени на спроведување на реформите што ќе придонесат за поефикасни институции, подобри услуги за граѓаните и забрзан напредок на државата - истакнува премиерот Мицкоски.

МИА