Мицкоски: Оваа Влада ги завршува проектите што биле закочени со децении, а ако опозицијата иницира предвремени избори, ќе дадеме соодветен одговор

Владата има добиено доверба од граѓаните за мандат од четири години и има планови и динамика за реализација на ветувањата - изјави денеска премиерот Христијан Мицкоски, одговарајќи на прашањето дали ќе има предвремени парламентарни избори, за време на посетата на општина Теарце, каде што присуствуваше на пуштање во употреба детска градинка.
Мицкоски посочи дека приоритет на Владата е да испорача што е можно повеќе проекти за граѓаните и да создаде подобри услови за живеење нагласувајќи дека актуелната Влада ги одглавува и ги завршува проектите што, како што рече, биле закочени со децении или одреден период.
- Оваа Влада ја добила довербата од граѓаните за мандат од четири години. Имаме такви планови и таква динамика на реализирање на ветувањата. Работиме на објекти што биле закочени со децении, кои биле закочени одреден период. Оваа Влада со посветена работа ги одглавува, ги откочува и ги испорачува на граѓаните. И тоа е наш приоритет, како да испорачаме што е можно повеќе за да имаме подобри услови за живеење. Тоа е суштината на функционирањето на оваа Влада - рече Мицкоски.
Премиерот нагласи дека Владата останува посветена на оваа динамика на работа додавајќи дека опозицијата во Собранието има можност да поднесе иницијатива за предвремени парламентарни избори.
- Така што, еве, ние остануваме посветени на тоа, а здружената опозиција - Левицата, Демократската унија за интеграција и СДСМ во парламентот - може да се соберат, да поднесат иницијатива за предвремени парламентарни избори. Доколку здружената опозиција СДСМ, Левицата и ДУИ поднесат, тогаш ние како Влада ќе дадеме соодветен одговор - изјави Мицкоски.
МИА
Ново на Сител
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
-

Малезија ќе пресели десет илјади бегалци Рохинџи во Турција
