Министрите на земјите од Г7 се подготвени да дејствуваат за заштита на глобалните испораки на енергенси

Министрите за надворешни работи на земјите од групата Г7 синоќа соопштија дека се подготвени да преземат неопходни мерки за поддршка на глобалните испораки на енергенси и ја потврдуваат важноста на заштитата на поморскиот сообраќај, вклучително и оние во Ормутската Тесница.

„Изразуваме поддршка до нашите партнери во регионот во услови на неоправдани напади од страна на Исламската Република Иран и нејзините сојузници“, се вели во соопштението на министрите на Канада, Франција, Германија, Италија, Јапонија, Велика Британија и Соединетите Американски Држави, како и шефот на дипломатијата на Европската Унија.

Тие најостро ги осудија „безобѕирните напади на иранскиот режим врз цивилите и цивилната инфраструктура, вклучително и енергетската инфраструктура“.

МИА