МВР со детали: 27-годишникот што ја уби својата мајка сам се пријавил во полиција

Дваесет и седумгодишен жител на Росоман е лишен од слобода откако утрово со остар предмет ја усмртил својата мајка.

Според информациите, на 30 март 2026 година, полициски службеници од ОВР Кавадарци го привеле И.Р. (27), откако самиот се пријавил во СВР Велес и признал дека околу 07:30 часот во семејниот дом ѝ нанел повеќе убодни рани на својата 54-годишна мајка.

Жената им подлегнала на повредите, а смртта била констатирана од лекар од Итната медицинска помош во Кавадарци.

Увид на местото на настанот извршуваат јавен обвинител од Основното јавно обвинителство Кавадарци и полициска екипа од ОВР Кавадарци. Против осомничениот ќе биде поднесена соодветна кривична пријава.