Надал пред Дејвис купот: Не сум тука за да се пензионирам, туку да му помогнам на тимот
„Нема да размислувам за пензија, важно ми е само ако можам да и помогнам на Шпанија да уште еднаш да го освои Дејвис куп“, изјави шпанскиот тенисер Рафаел Надал, кој наскоро ќе ја заврши кариерата.
Легендарниот тенисер, кој во својата брилијантна кариера освои 22 грен слем титули, од кои неверојатни 14 на Ролан Гарос, претходно најави дека крајот на Дејвис купот оваа година ќе биде крај на неговата кариера.
„Доколку сум на теренот во Малага, најважно ќе ми биде да ги контролирам емоциите. Не сум во репрезентацијата за да се пензионирам, тука сум ако треба да помогнам на патот кон новата титула. Ова ќе биде мојата последна недела, но јас сум во служба на тимот и сакам севкупна победа“, изјави 38-годишниот Надал, кој во текот на својата кариера четири пати го освојуваше ова натпреварување со Шпанија, во 2004, 2009, 2011 и 2019 година.
Сега првото име на шпанската репрезентација е Карлос Алкараз, а Надал би можел да му помогне на тимот за време на Дејвис купот во двојки.
„Се чувствувам добро, а емоциите околу заминувањето ќе испливаат на површина дури на крајот. Работам, тренирам и сакам да бидам целосно подготвен ако дојде моментот кога треба да помогнам. По Дејвис купот ќе се случи голема промена во мојот живот. Најдобро е тоа што ќе можам да се збогувам во мојата земја, пред моите навивачи и во кругот на мојата репрезентација“, рече Надал.
Малага ќе биде домаќин на финалето на Дејвис купот од 19. до 24. ноември, а Шпанија во четвртфиналето ќе игра со Холандија. Останатите четвртфинални двојки се Германија – Канада, Италија – Аргентина и САД – Австралија.
Ново на Сител
-
Седница на Советот на Град Скопје за проблемот со јавниот превоз не е закажана, ЈСП има нафта доволна за денеска
-
Активни три, под контрола четири пожари
-
Американската влада ја прогласи Антифа за „домашна терористичка организација“
-
Премиерот Мицкоски во посета на Штип
-
Франција лидер по број на освојувачи на „Златната топка“
-
Јокиќ прогласен за најдобар играч во НБА според анкетата на ЕСПН
-
Вонреден состанок на Воениот комитет на НАТО посветен на руското нарушување на воздушниот простор на Пактот
-
Трамп на арапските лидери ќе им го претстави предлогот за мир и управување со Газа по војната