Најавена и 18. сезона на „Вовед во анатомија“

 Телевизиската серија „Вовед во анатомија“ сè уште има што да понуди. „Еј-би-си“ објави дека лекарската ТВ-драма ќе се врати и со 18-та сезона.

„Станица 19“, чија приказна се испреплетува со „Вовед во анатомија“, исто така, ќе се врати – со својата петта сезона.

– „Станица 19“ и „Вовед во анатомија“ завршија одлична работа во чест на нашите херои од вистинскиот живот, раскажувајќи ѝ ја на публиката една од најголемите лекарски приказни во нашето време, соопшти претседателот на „Хулу Оригиналс“ и „Еј-би-си“, Крег Ервиќ.

Според продукцијата, „Вовед во анатомија“ била омилена меѓу населението на возраст од 18-49 години во телевизиската сезона 2020/2021.