Нетанјаху: Ерусалим засекогаш ќе остане под контрола на Израел, Иран никогаш послаб

Израелскиот премиер Бенџамин Нетанјаху вчера изјави дека Ерусалим „засекогаш“ ќе остане под контрола на Израел, инсистирајќи дека државата Израел е „посилна од кога било“, додека во исто време „режимот во Иран е послаб од кога било“.

„Ќе ја продолжиме борбата против сите закани на радикалниот ислам“, рече Нетанјаху на церемонијата по повод Денот на Ерусалим, што е празник на Израел.

Според неговите зборови, доколку Израел не ја покренеше војната против Иран во јуни минатата година и во февруари оваа година, „Иран денес ќе имаше нуклеарна бомба“.

„Нашите непријатели сакаат да нè уништат без исклучок. Но, тие имаат друга цел: да нè извадат од Ерусалим. Нивниот слоган „На пат сме кон Ерусалим“ ја изразува нивната злобна намера да нè избркаат од срцето на еврејската нација. Нема да дозволиме тоа да се случи. Само Ерусалим под израелска власт е вистински слободен град за сите религии и сите нации“, рече израелскиот премиер.

Нетанјаху тврди дека Израел постигнал успех во борбата против Хамас и Хезболах, како и против Иран.