Николоски - Варнс: Потврдена посветеноста на стратешкото партнерство со САД и унапредувањето на билатералната соработка

Заменик-претседателот на Владата и министер за транспорт Александар Николоски денеска оствари работна средба со Никол Варнс, вршителка на должноста амбасадорка на САД во земјата.
На средбата, како што соопшти Министерството за транспорт, биле потврдени посветеноста на стратешкото партнерство и унапредувањето на билатералната соработка.
Посебен акцент на разговорот биле економската и трговската соработка, инфраструктурните проекти и нивната реализација, притоа беше потврдена ефикасната реализација на стратешките проекти од национален и регионален интерес.

Вицепремиерот Николоски посочил дека изградбата на автопатите на коридорите 8 и 10 д се реализираат со одлична динамика во согласност со предвидените рокови.
На средбата станало збор и за соработката во рамките на НАТО и прашањата поврзани со безбедноста и стабилноста на регионот.
Николоски и Варнс разговарале и за билатералната соработка меѓу двете земји и поддршката на САД во делот на реформските процеси на Македонија.
Притоа, како што се наведува во соопштението, била истакната важноста на континуитетот на партнерските односи, заедничката посветеност на реализацијата на приоритети и продлабочувањето на соработката, особено во делот на економијата и трговската размена.
МИА
Ново на Сител
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
-

Малезија ќе пресели десет илјади бегалци Рохинџи во Турција
